Jæja held að það sé algjörlega komin tími á blogg... Síðan mín var meira að segja runninn út en ég hef ákveðið að halda henni áfram, finnst leiðinlegt samt hvað bloggheimurinn er eiginlega hruninn eftir að facebook tröllreið heiminum. En ég hef heyrt svona útundan mér að fólki finnist gaman að lesa bloggið mitt og fylgjast með því sem ég er að gera og því hef ég ákveðið að halda þessari síðu áfram.

Er þá ekki best að byrja þetta bara svona.... Í fréttum er þetta helst.......

Ég skellti mér til Raufarhafnar á þorrablótið 6 feb. Þetta var stutt en hrikalega skemmtileg ferð og þorrablótsnefndin stóð sig heldur betur vel. Fannst þetta alveg magnað hjá þeim .Ég skældi fullt af gleðitárum vegna of mikils hláturs að make up var nánast farið þegar Greifarnir stukku á stokk með fyrsta lag kvöldsins Útihátíð.  Greifarnir stóðu sig einnig vel og skemmti  ég mér alveg hrikalega vel.  Tók nátturulega dansinn við Nabba Gunn sem er fastagestur á danskortinu mínum og var dansinn svo svakalegur að toppurinn sem ég var í tættist af mér og þurfti kjella að skunda heim og skipta um föt.  Öll fjölskyldan mín fór á blótið og er það í fyrsta skiptið á ævinni sem við förum öll saman á svona skemmtun.  Mamma varð 70 ára 10 feb og vildi ekki halda neina veislu, þannig hún eiginlega missti sjálfræðið þennan dag og var eiginlega bara skipað á blót, sá hún ekkert eftir því, því ég held að hún hafi  skemmt sér manna best og var á ballinu alveg til 3:00 um nóttina. Hefði sjálfsagt verið lengur en sá sig eiginlega bara tilneydda til að fara heim eftir mjög svo mikinn barnaskaps sem átti sér stað við borðið okkar  og setti svartan blett á þessa skemmtun, sem mér þykir miður. En svona er þetta !

12 febrúar var svo frumsýndur Wipeout þátturinn minn á Stöð 2. Eftir mikinn kvíðahnút í maganum allan feb mánuð þá var ég bara nokkuð sátt með útkomu mína í þættinum. Var bara meira að segja pínu stollt af mér, vissi alveg að mér hafi gengið ágætlega, en ég mundi samt ekki alveg allt eða hvernig ég fór í gegnum sumar brautirnar. Nokkuð gott J Fannst samt leiðinlegt að það hafi aldrei komið fram að ég væri frá Raufarhöfn þar sem ekkert viðtal við mig var sýnt. En þeir sem þekkja mig vita að ég er stolltur Raufarhafnarbúi og var mjög hrærð þegar ég frétti að boltaloftið hafi verið stúfullt af fólki með skilti og ég veit ekki hvað og hvað að horfa á mig í sjónvarpinu hehehe.. Stuð !

Svo í feb tók ég þá ákvörðun að ganga í gönguhóp á vegum 365. Áætlar er að gana Hvannadalshnjúk 8 maí og hófust æfingar í byrjun feb.  Það gengur alveg ágætlega, er búin að labba Hengil 1x og Esjuna 1x. Vegna veðurs höfum við ekki getað gengið meira. Það er alltaf farið á sunnudagsmorgnum og það vill nú bara þannig til að alla þessa sunnudaga sem planaðir eru hefur verið hundleiðinlegt veður og nýbúið að snjóa, halló það hefur ekkert snjóað í Rvk en þessar helgar, júbb !

20 febrúar hittust hóparnir sem fóru út saman í Wipeout.  Ég og Hans Steinar tókum að okkur að undirbúa partýið og Bjössi í World Class var svo elskulegur að bjóða okkur til sín í baðstofuna og bauð svo uppá hamborgara og bjór eftir fína slökun í pottinum. Síðan lá leið okkur á Englishpub þar sem var boðið uppá allskyns "wipeout" tilboð og slideshow frá ferðinni sýnt.... Svo var dansað burtu allt vit á Austur.  Þetta var alveg magnað kvöld og gaman að hitta hópinn aftur og skemmta sér saman, þar sem við gerðum ekkert af því úti. Vorum stilltasti hópurinn og er það engin lýgi :)

Þetta er svona það helsta sem hefur verið að gerast hjá mér undanfarið, en mikið á eftir að ské. Eins og Árshátíð 365 um næstu helgi. Píkuferð á Blönduós í 30 ára afmæli Kristínar. Fullt af göngum. Páskarnir á Egilsstöðum og margt, margt fleira :)

Stay tuned !!