Þá er maður komin í sumarfrí, og ég verð að segja að það er pínu ljúft. Eiga smá tíma fyrir sjálfan sig, ekki bara vinna og vinna :) Er komin til Egilsstaða og ég bara verð að viðurkenna það, að þegar ég keyrði út úr bænum í dag þá kom alveg tár. Mér fannst mjög leiðinlegt að vera að fara og ekki alveg vita hvenær ég kem aftur. Þetta var of stutt stopp að mínu mati, þó ég hafi verið þarna í 5 vikur...

Mér langar svo að gera eitthvað róttækt við hárið á mér. Á tíma í klippingu á föstudaginn næsta, og ég er svona að velta ýmsu fyrir mér... Er nú búin að vera það róttæk að lita það einu sinni dökkt, þannig ég ætla ekki að gera fleiri litabreytingar á því. Er svona að spá í klippingar. Er mikið búin að horfa á myndir með Reese Witherspoon í sumar og hárið á henni í tveim myndum er alveg að heilla mig.. En ég veit ekki... Mér finnst agalega gott að hafa hárið bara sítt, og stundum ekki að þurfa neitt að hafa fyrir því. Bara henda því í tagl þegar það liggur þannig á mér.. Einnig finnst mér fara mér alveg andskoti vel að vera bara með sítt hár...  Kannski er einhver hræðsla í mér að klippa það, slæmar minningar frá því ég var barn hehe.. þar sem ég var stuttklippt með brodda lengi vel..

Eins og td hérna, nema ég er að reyna að vera pæja með spöng :)

Sjá Bylgju yndislegu og langfallegustu systir mína ( hún neyddi mig til að skrifa þetta )


En hvað finnst ykkur.. á maður að prufa eitthvað nýtt, eða bíða með þangað til maður verður 30 ára eins og Svava með að klippa síða hárið af :)  ( ég veit þetta vex aftur, en það tekur bara svo andskoti langan tíma :) )
Þetta eru klippingarnar sem ég er að spá í ...

Mjög stutt.... að mínu mati, en samt ógeðslega töff klipping...



Eða þessi, aðeins síðara á henni hárið ...  Ég myndi jafnvel láta setja í mig svona liði.



Eða bara vera áfram eins og ég er..

Jæja þá er vinnandi sumarfríið mitt á Raufarhöfn búið. Og er þetta "frí" mitt búið að hafa sína kosti og galla. Miklu fleiri kosti samt.

 Kostir...

•  Ódýrt að vera á Ríben í kreppunni. Er eiginlega ekki búin að eyða krónu hérna.
• Og Bensínið haggast varla, þó ég keyri alltaf í og úr vinnu og ekki eru vegalengdirnar langar.
• Er búin að ná að ferðast helling og gera helling, sem ég hefði ekki gert ef ég hefði verið fyrir sunnan.
• Fór á Egilsstaði.
• Fór á íþróttamót í Ásbyrgi.
• Hélt upp á afmælið mitt í góðum hópi og fékk gesti að sunnan í heimsókn.
• Skjótast inná Akureyri í verslunarferð.
• Hef náð að safna smá pening.
• Hef fengið þann unað að geta hent mér í heita pottinn hjá Olgu og Ragga í tíma og ótíma.
• Fá mömmumat á hverju kvöldi.
• Eyða góðum tíma með fjölskyldunni.

• Veðrið er ekki búið að vera uppá sitt besta.
• Er búin að vera að deyja úr leti, þegar vinnudeginum líkur..
• Ekki hreyft mig eins mikið og ég ætlaði mér.. ( kenni veðrinu um )
• Ekki geta hitt píkurnar mínar þegar píkuhittingur er.
• Hjálpa Ölmu minni að anda inn og anda út. ( er að farast úr stressi þessa dagana ) msn ið hefur samt hjálpað mikið.

 En það er búið að vera algjör sæla samt að vera ekki í neinu stressu hérna síðasta mánuð og alveg nauðsynlegt að komast aðeins út úr sinni venjulegu rútínu.

Þetta er annað sumarið mitt, sem ég tek að mér að vinna á Raufarhöfn, og held ég að þetta verði alveg að föstum lið hjá mér svo framanlega sem vinnuveitendur mínir í Rvk leyfa mér að taka svona langt frí.
Ég er nú ekki viss um að öll fyrirtæki myndu taka þetta í mál. Þannig mér finnst vera algjör forréttindi hvað ég vinn hjá góðu fyrirtæki :)

 Annars er ég að fara í smá sumarfrí, sem verður bara fyrir mig. Engin vinna neitt. En ég byrja aftur að vinna hjá 365. 6 ágúst.

En það sem framundan hjá mér í fríinu er, að fara til Egilsstaða í 2 daga eða svo. Keyra suður til Rvk á fimmtudaginn 24  júlí. Fara í brúðkaup 26 júlí til Sif og Sigga. Fara á þjóðhátíð 30 júlí og vera þar í 6 daga. Þá er bara fríið búið í bili...  Og blákaldur veruleikinn byrjar aftur. Og ég get ekki alveg hrópað húrra fyrir þvi. Margt sem ég þarf að skoða og pæla í... Nenni ekki pælingum og veseni.... djöf.......

 Alveg ótrúlegt hvað þetta sumar er alltaf fljótt að líða miða við hvað veturnir eru lengi.. andsk.. það ætti að snúa þessu við.....

 Jæja búin að pústa aðeins. Vil svona í leiðinni óska Ylfu Lind til hammó með frumburðinn sinn. Lítill strákur leit dagsins ljós 16 júlí. Benedikt Bent,Kollu Björg,Gumma Guðjóns til hammó með ammó 17 júlí. Og að sjálfsögðu nýjasta píkubarninu þeirra Nönnu og Freys sem kom í heiminn 20 júlí. ( hélt samt að stúlkan þeirra myndi koma 27 júlí. Nanna og Eva voru settar sama dag, 17 júlí síðasta. En ég held mig þá enn við að Eva komi með sitt 27 júlí og það verði stelpa :)  Svo fer þetta allt að koma hjá hinum sem ég þekki sem eru óléttar, held að það sé nánast barn eða jafnvel börn í hverjum mánuði framm að jólum :)

Elsku Friðgeir þakka þér kærlega fyrir samstarfið í sumar, það var algjört æði að vinna með þér :)  Aldrei að vita nema við leikum bara sama leikinn að ári :)