Allt og ekkert er búið að ské undanfarið hjá mér.. Þannig mér hefur fundist alveg tilgangslaust að blogga.. Enn þó mér finnist þessi blogg mín vera tilganslaus er alltaf einhverjir sem hemta af manni blogg og verður maður ekki að verða við þeirri bón :)

Í síðustu viku gerði ég nánast ekkert annað en að vinna og sofa.

Fékk samt að fara með vinnunni í smárabíó á fimmtudaginn. Fékk að fara með Þóru minni og markaðsdeildinni í hádeginu til að horfa á fyrsta þáttinn af Ríkinu og Dagvaktinni. Hinir helstu strumpar voru staddir þarna og sat ég mitt á milli Jón Gnarrs og Ödda Blö hehe.. Nei kannski ekki alveg..  En þeir voru þarna... Fengum popp og kók með þáttunum svo hvítvín og indverskan mat eftir bíóið..  Þjónustuverið fékk svo að fara kl 4 og 5 og þá vann ég bara á meðan :)

Eitthvað er ég búin að heyra neikvæðar raddir um fyrsta þáttinn af Ríkinu og ég er ekki sammála þessum neikvæðu röddum. Mér finnst yfirleitt svona sjónvarpsþættir leiðinlegir, skiptir ekki máli hvort þeir séu íslenskir eða erlendir. Ég t.d hef aldrei verið spennt fyrir little britain ( hef ekki hugmynd um einu sinni hvernig þetta er skrifað ) En mér fannst Ríkið fyndið, ég allavegana hló alveg ágætlega mikið. Ekki mikið um kúk og piss brandara eða aðra neðan beltisstaðs brandara sem ég þoli ekki í svona þáttum, finnst alltaf einum of mikið af  þeim bröndurum, þó þeir séu alveg fyndnir annað slagið þá er alveg annað fyndið líka. Ég ætla allavegana að gefa þeim séns og ég vona að neikvæðu raddirnar geri það líka. Því ég er búin að lofa að gefa litle britain tækifæri..

Ég held að Dagvaktin eigi eftir að slá í gegn í vetur. Dálítið öðruvísi að byrja að horfa á þá aftur, þar sem þeir eru komnir í allt annað umhverfi og komnir í allt aðra stöðu í lífinu.En ég held að þeir verði allvegana ekki síðri en Næturvaktinn.. Ég allavegana hlakka til að horfa á afganginn..Fyrsti þátturinn var nefnilega góður en ég held að þeir eigi eftir að verða betri. Ég hlakka sérstaklega mikið til að sjá vin minn Júlíus Brjánson leika í þeim :) Maðurinn er nefnilega snillingur :)

Menningarnótt var þrælskemmtileg. Hélt partý í kóngsbakkanum og það kom alveg fullt af fólki og gleðinn var langt fram á nótt. Fórum svo niðrí bæ á Apótekið og þá splundraðist hópurinn aðeins. Ég og Gyða fórum svo á pizza king og beint heim um 6 leytið. Og vöknuðum "sprækar" kl 7 þegar Íris sótti okkur til að fara í smáralind í morgunmat í boði 365 og horfðum á leikinn í smárabíó. Geggjaður leikur þó betri hefði mátt fara og hann hefði alveg getað það ef Frakkar ættu ekki þennan járnkarl sem þeir voru með í markinu. Hann eiginlega færði Frökkum gullið En halló, hvaða íslendingur er samt ekki sáttur við silfrið á Ól. Ég var það allavegana :)

Helgin var alveg hin ágætasta......
Notaði föstudagskvöldið í tiltekt í Kóngsbakkanum með aðstoð Sifjar.
þannig það er allt glimmrandi hreint og fínt þegar Gunni sambó kemur heim í næstu viku :)
Svo var grillveisla hjá 365 dagvaktinni á laugardagskvöldinu. Herlegheitin voru haldin hjá Gísla. Hrikalega flott aðstæða fyrir útigrillveislu.
Það var alveg hrikalega gaman og er ég búin að henda inn fullt af myndum :)