Gleðilegt nýtt ár kæru lesendur, fjölsk, vinir og kunningjar og takk fyrir það gamla.

Þá er enn og aftur nýtt ár gengið í garð og það er ekkert smá ár heldur 2010. Veit að það verður spennandi ár og margt og mikið spennandi mun gerast, er alveg viss um það.

Í byrjun árs 2009 sagði ég að það yrði árið mitt og ég held að ég hafi alveg staðið undir þau stóru orð. Því miður var þetta ár ekki gott öllum, en maður má ekki láta allt það sem er að gerast í kringum sig hafa áhrif á það hvað þú vilt nákvæmlega gera til að hafa það sem best.

En það sem stóð kannski svona mest uppúr hjá mér er að ég hætti að reykja og núna 12 jan eru komnir nkl 365 dagar siðan ég hætti að reykja og ég er endalaust stolt af mér, því satt best að segja hafði ég ekki alveg trú á mér fyrst. En ég tók einn dag í einu og þeir fara alveg að verða 365 talsins og ég skal alveg lofa því að 12 jan 2011 mun ég skrifa 730 dagar ! Einnig annað sem stendur uppúr er að ég breytti algjörlega um lífsstíl og fór að æfa á fullu og náði af mér heilum 9 kg sem einhvern vegin án þess að ég tók eftir eða vildi taka eftir voru komin á mig og bætti smá vöðvum líka í safnið sem höfðu verið í afslöppun í ansi langan tíma. Hætti að borða nammi og drekka gos 4 maí, tók þátt í hinum ýmsum ævintýrum og ferðaðist töluvert innalands sem utan og fór að búa ein.  Þetta eru hápunktarnir af því sem ég er stoltust af fyrir árið 2009.  En ég ætla samt að henda smá annál því það var alveg fjölmargt meira sem gerðist spennandi þetta góða ár.

En langar að setja inn hvernig mitt fyrsta blogg hljómaði sem ég skrifaði 7.1.2009

Ég held að árið 2009 eigi eftir að vera alveg hið ágætasta ár. Hef mikla trú á því. Ætla allavegana að vera jákvæð og ekki leyfa þessari kreppu að telja mér trú um neitt annað.
svo er ég aðeins farin að skipuleggja lengra í tíman, en ætla ekkert að uppljóstra því að svo stöddu. En ég held að ég muni hafa alveg nóg að gera árið 2009 og mér leiðist það nú ekki.

Ég tók þá ákvörðun í des að árið 2009 yrði heilsuár hjá mér. Hvort ég muni standa við það mun koma bara í ljós. Ég er allavegana byrjuð og það fyrsta sem ég tók mér fyrir hendur á þessu mikla heilsuári mínu var matarræðið, ekkert nammi né gos nema um helgar og ekki borða á milli mála.Það er komin vika síðan ég byrjaði á því það næsta er að hætta að reykja.Og er þetta dagur nr 2 sem er reyklaus hjá mér og mun ég aðeins taka einn dag í einu. Gæti kannski reykt þennan daginn enn ekki hinn þó áætlun sé að reykja bara ekki neitt árið 2009. Það næsta sem ég mun taka upp á heilsuárinu miklu er að fara að æfa í Laugum, World Class. Hef nú reyndar aldrei farið þangað þannig ef einhverjum langar að koma með mér sem er að æfa þar bara svona taka mig með og sýna mér staðin og aðeins að leyfa mér að kynnast þessu þá yrði ég mjög þakklát með það :) Þetta er ekki áramót heit enda hef ég aldrei verið góð í því að standa við þau heit, þetta er bara ákvörðun sem ég tók í des og vonandi gengur þetta allt saman upp hjá mér...

Skrifaði svo 17.2.2009

Ég held að árið 2009 sé og verði mitt ár. Miklar breytingar hafa átt sér stað með mig og fleiri munu sjálfsagt koma í ljós þegar líða fer á árið. Það er nú ekki mikið búið af því en ég hef grun um að þetta eigi algjörlega eftir að vera ár Berglindar.

En það greinilega skiptir máli að vera jákvæður og ákveðin.  Það allavegana gekk allt upp hjá mér!